د تخنیکي او مسلکي زده کړو ادارې اړوند ترنم او فرهنګ ریاست د اسلام ستر پیغمبر د میلاد ورځ ولمانځله
د تخنیکي او مسلکي زده کړو ادارې اړوند د ترنم او فرهنګ رياست لخوا د اسلام مبارک دین د ستر پيغمبر حضرت محمد (ص) د ميلاد په مناسبت يو لړ مراسم تر سره کړل.
په دې مراسمو کې شاعران، لیکوالان، ادیبان او مقاماتو برخه اخیستې وه او ویناوې یې وکړې.
په یاد پروګرام کې ویناوالو ټینګار وکړ چې مسلمانان باید د ژوند په ټولو چارو کې د هغه ستر (حضرت محمد مصطفی صلی الله علیه وسلم) اخلاق او سلوک په خپل ژوند کې ځانته خپل کړي.
د دې پروګرام په بله برخه کې شاعرانو او ترنم ویوونکو د اسلام د ستر پیغمبر د ژوند او اخلاقو په اړه خپل شعرونه او لیکنې ولوستلې.
دا په داسې حال کې ده چې د ترنم او فرهنګ ریاست تل د مهمو دیني او فرهنګي مناسباتو په مناسبت دیني او فرهنګي غونډې جوړوي.
