د تګاب کرنې مسلکي انسټيټوټ محصلینو ته د هرزه بوټو په اړه په عملي بڼه روزنه ورکړل شوه
د کاپيسا ولایت تګاب کرنې مسلکي انسټيټوټ د کرنې څانګې محصلینو ته د تخنیکي او مسلکي زده کړو مرکزونو د عملي زده کړو په چوکاټ کې د هرزه بوټو د بیژندلو او طبقه بندۍ په اړه په عملي ډول روزنه ورکړل شوه.
لارښود استاد د درس په ترڅ کې زده کوونکو ته د هرزه بوټو د بیژندلو او طبقه بندۍ په اړه مفصل معلومات ورکړل او په دې برخه کې یې د نوموړو پوښتنو ته ځوابونه وویل.
د تخنیکي او مسلکي زده کړو په مرکزونو کې ډیری زده کړې عملي دي، څرنګه چې د تخنیکي او مسلکي زده کړو د مرکزونو فارغان له فراغت وروسته په مستقیم ډول د کار بازار ته جذبیږي.
له همدې امله د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
