د تخنیکی او مسلکي زده کړو ادارې له ادارې او مدیریت روزنیز پروګرام څخه د لسګونو مجاهدینو فراغت
په پکتیکا ولایت کې د تخنیکي او مسلکي زده کړو ادارې د ادارې او مدیریت له روزنیز پروګرام څخه د ۱۶۰ تنه مجاهدینو فراغتغونډه ترسره شوه.
پدې فراغتغونډه کې د تخنیکي او مسلکي زده کړو ادارې د مالي او اداري چارو مرستیال محترم مفتی فضل الرحمن فاضل ترڅنګ د یاد ولایت یو شمېر سیمهییزو مسؤلینو هم ګډون درلود.
ښاغلي مفتی فضل الرحمن فاضل د وینا پر مهال وویل: د تخنیکي او مسلکي زده کړو اداره ژمنه ده ترڅو د ټولنې بیلابیلو قشرونو لپاره د زده کړو زمینه برابره کړي.
مفتي فاضل همداراز فارغانو ته د فراغت مبارکي وویله او هیله یې څرګنده کړه چې مجاهدین وکولای شي د دې زده کړو پرمټ ټولنې ته لا ښه خدمتونه وړاندې کړي.
په همدې حال کې، د پکتيکا ولایت یو شمېر سیمهییزو مسؤلینو هم د وینا پر مهال، د مجاهدینو لپاره د مدیرتي زده کړو د زمینې برابرولو په برخه کې د تخنیکي او مسلکي زده کړو ادارې د رهبرۍ له هڅو او ځانګړې پاملرنې څخه ستاینه او قدرداني وکړه.
نوموړو ټینګار وکړ چې مجاهدینو ته د ادارې او مدیریت په برخه کې د زده کړو زمینه برابرول، د ادارو په چارو د ښه پرمختګ لپاره ډېر اړین ګڼل کېږي.
