د بلخ سجادیه تخنیکي او مسلکي انسټیټوټ د استادانو لپاره د ظرفیت لوړونې سیمینار جوړ شو
د بلخ سجادیه تخنیکي او مسلکي انسټیټوټ یو شمېر استادانو لپاره د ظرفیت لوړولو درې ورځنی سیمینار جوړ شو.
په یاد ښوونیز سیمینار کې ګډونوالو ته د کیفیت تدریس او د نوین ښوونیزو میتودونو د زده کړې په اړه روزنه ورکړل شوه.
د مسولینو په وینا، د دې پروګرام د ترسره کولو موخه د استادانو د پوهې کچې لوړول او د تدریس لپاره د نوموړو بشپړ چمتووالی ویل شوی.
له بلې خوا، د تخنیکي او مسلکي زده کړو ادارې رهبری تل هڅه کوي چې د خپلو کارمندانو لپاره د ظرفیت لوړولو سیمینارونو په جوړولو سره د کارمندانو ظرفیتونه لوړ کړي.
