د تخنیکي او مسلکي زده کړو ادارې مشری ندیمه سحر د ترکیې د ښوونې او روزنې بنسټ مشر ښاغلي شاکر وایووت سره وکتل!
د تخنیکي او مسلکي زده کړو ادراې مشری میرمن ندیمه سحر د ترکیې ښوونې او روزنې بنسټ مشر ښاغلي شاکر وایووت سره وکتل.
د دې کتنی موخه د ترکیې ښوونې او روزنې بنسټ په افغانستان کې د تخنیکي او مسلکي زده کړو لپاره د ښوونځیو تأسیس کولو څرنګوالي په اړه بحث او خبرې کول وو.
د ترکیې ښوونې او روزنې بنسټ په افغانستان کې د زده کړی په برخه کې فعالیت لری. د ښاغلي وايووت په وینا؛ د افغانستان د اسلامي جمهوری دولت او د دوست هیواد ترکیې ترمنځ د لاسلیک شوي هوکړه لیک پر اساس، د ترکیې ښوونې او روزنې بنسټ په راتلونکو لسو کلونو کې د افغانستان په بېلابیلو برخو کې اتلس ښوونځي جوړوي. ښاغلي وایووت وویل چې دغه بنسټ علاقه لری چې په افغانستان کې تخنیکې او مسلکې زده کړو ښوونځي جوړ کړی.
میرمن ندیمه سحر په داسې حال کې چې د ښاغلي وایووت له وړاندیزونو مننه کوي او زیاته يېکړه؛ د تخنیکي او مسلکي زده کړو ادراې یوه ستراتیژیکه موخه په هیواد کې د زده کړی مرکزونو پراختیا او رامنځته کول دي ترڅو پدې تعلیمي سکتور کې زمونږ د ګرانو هیواد والو د بشپړ ګډون زمینه برابره شي. له همدې امله، موږ د تخنیکي او مسلکي زده کړو مرکزونو رامنځته کولو په اړه ستاسو وړاندیزونو څخه تود هرکلی کوو.
