د پکتیا د ځانګړو زدهکړو لېسې سره درې زره امریکایي ډالر مرسته وشوه
د بشري مرستو د همغږۍ مؤسسې (CHA)، د اورېدلو او لیدلو معلولیت لرونکو کسانو د ملاتړ په موخه د پکتیا ولایت د ځانګړو زدهکړو لېسې سره د درې زره امریکایي ډالرو بشري مرسته وکړه.
یاده اندازه مرسته په یوه ناسته کې د پکتیا ولایت د مقام دفتر د رئیس، د اقتصاد رئیس او د تخنیکي او مسلکي زدهکړو آمریت د یو شمېر مسئولینو په حضور کې د ځانګړو زدهکړو لېسې ته وسپارل شوه.
په همدې حال کې د غونډې ګډونوالو د CHA مؤسسې له دې اقدام څخه مننه وکړه او دا ډول مرستې یې د معلولیت لرونکو زدهکوونکو د ملاتړ لپاره مهمې وبللې.
ټاکل شوې چې دغه مرسته به د زدهکړو د بهیر د پیاوړتیا او د زدهکوونکو د ورځنیو اړتیاوو د پوره کولو په برخو کې ولګول شي.
