د افغانستان روباټیک ټیم څخه افغانستان د تخنیکي او مسلکي زده کړو ادارې ملاتړ او د متحده ایالاتو د ډیجیټل ستیزن فاند مؤسسی (DCF) سره د همکاری هوکړه لیک لاسلیک کول؛
د تخنیکي او مسلکي زده کړو ادارې مشرې میرمن ندیمه سحر او د امریکا د ډیجیټل ستیزن فاند مؤسسې مشرې رویا محبوب نن سهار په مرکزي اداره کې د ملي او نړیوالو رسنیو په شتون کې هوکړه لیک لاسلیک کړ.
ددې هوکړه لیک لاسلیک کولو موخه د افغانستان خوب لیدونکو انسټیټوټ د جوړولو او کړنو د دوام لپاره د تخنیکې او مسلکې زده کړو ادارې او ډيجیټل ستیزن فاند مؤسسې ترمنځ د همکارې زمینه برابرول دی چې ددغه انسټیټوټ مالی او تخنیکې ملاتړ د یادې مؤسسې او د افغانستان د اسلامې جمهورې دولت پر غاړه دی.
د تخنیکې او مسلکې زده کړو ادارې مشره میرمن ندیمه د افغانستان روباټيک ټیم مشرتابه، غړو ملي او نړیوالو رسنیو ته ښه راغلاست ویلو ترڅنګ د تخنیکې او مسلکې زده کړو ادارې له خپلواکې وروسته مهمې لاسته راوړنې په ګوته کړی. په افغانستان کې د تخنیکې او مسلکې زده کړو د اهمیت له امله، ددې ادارې روزنیزی برنامې د افغانستان اسلامی جمهوری دولت لومړیتوب وو او په دې موده کې مونږ وکولای شول چې په ۲۵۵ ولسوالیو کې ۳۸۶ روزنیز مرکزونه او ۱۵ د دندو څانګې جوړی کړی دی.
میرمن سحر وویل: ددې هېواد ځوانان ډيرې وړتیاوی لري او مونږ باید دا وړتیاوی په کار واچوو. له همدې امله په افغانستان کې د انسانی پانګې تربیه او تولید د تخنیکې او مسلکې زده کړو ادارې یو له مهمو او ستراتیژیکو موخو څخه دی. هغې زیاته کړه؛ مونږ خوښ یو چې نن دغه هوکړه لیک لاسلیک کېږی چې موخه يې د افغانستان نوی نسل نوښتونو روزل او پیاوړی کول دی. نو ځکه ددې هوکړه لیک لاسلیک کول په افغانستان کې د ماهرو او مسلکې انسانی پانګې روزل او پیاوړی کولو کې خورا مهم او ارزښتناکه بلل کېږی.
دا مهال په افغانستان کې شاوخوا ۱۸ ملیونه وګړي د ۲۰کلنۍ څخه کم عمر لري؛ له نیکمرغه، موږ د ښځو په ځواکمنولو کې د اقتصادي پیاوړتیا، ټیکنالوژۍ او نوښت په برخو کې د پام وړ پرمختګ کړی دی!
د افغانستان د خوب لیدونکو انسټیټیوټ لومړی په کابل، هرات او وروسته د هیواد په څلورو زونونو کې جوړ او سمبال شي.
د تخنیکي او مسلکي زده کړو ادارې د ځمکې چمتو کولو، درسي نصاب چمتو کولو، غوره زده کونکو راجلبولو، علمي اسنادو تایید، او د دې د استادانو ظرفیت لوړولو مسؤلیت پر غاړه لري.
د امریکا ډيجیټل ستیزن فاند مکلف دی چې ددې مرکزونو جوړولو او تجهیز لپاره د ملی او نړیوالو بنسټونو مالی او تخنیکې مرستې را جلب او مالی لګښتونه يې ورکړي.
هيله ده چې د دغه هوکړه لیک لاسليک او پلي کول به د ځوانانو لپاره د ښوونې او روزنې، څيړنې، نويو تکنالوژيو او مصنوعي استخباراتو په برخو کې د پوهې وده، سوکالي، او پرمختګ زمينه برابره او هېواد علمي پرمختګ ته لاره پيدا کړي.
