د تخنیکي او مسلکي زده کړو مرکزي ادارې ته د پکتیا ولایت څمکنۍ ولسوالۍ کثیرالرشتوي انسټیټوټ د محصلینو علمي سفر
د پکتیا ولایت د څمکنۍ ولسوالۍ کثیرالرشتوي انسټیټوټ محصلینو د لارښود استاد په لارښونه، کابل ولایت ته د یو علمي سفر په ترڅ کې د تخنیکي او مسلکي زده کړو ادارې د تخنیکي چارو مرستیال مولوي غلام سعید احساس سره وکتل.
ښاغلي مولوي غلام سعید احساس په دې کتنه کې نوموړو ته د ښه راغلاست ترڅنګ توصیه وکړه چې د علم زده کړې او او مطالعه کولو ته د خپل ورځنیو چارو کې لومړیتوب ورکړي.
دغه راز د تخنیکي او مسلکي چارو مرستیال زیاته کړه چې د تخنیکي او مسلکي زده کړو اداره د هیواد په ټولو ولایتونو کې د دې ادارې د محصلینو او متعلمینو څخه هر اړخیز ملاتړ ته ژمنه ده او تر ډیره حده د نوموړو ملاتړ کوي.
نوموړي په ټولنه کې د پوهې او زده کړې ارزښت ته په اشارې سره له ځوانانو وغوښتل چې؛ دین او هیواد سره په ژمنتیا خپلو زده کړو او په بیلابیلو برخو کې د تخنیکي او مسلکي مهارتونو د ترلاسه کولو لړۍ ته دوام ورکړي.
په همدې حال کې، محصلینو هم د تخنیکي او مسلکي چارو مرستیال سره د لیدنې څخه خوښي څرګنده کړه او زیاته یې کړه چې نوموړي هڅه کوي ترڅو د خپلو وړتیاوو په کارولو سره د هیواد د پرمختګ، سوکالۍ او ځان بسیاینې په برخه کې ونډه واخلي.
