د لغمان ولایت اړوند قرغيو کثیرالرشتوي انسټیټوټ د کرنې څانګې زده کونکو د عملي زده کړو بهیر
د لغمان ولایت اړوند د قرغيو کثیرالرشتوي انسټیټوټ د کرنې څانګې لسم ټولګي زده کونکو ته د بیلابېلو "زینتي بوټو" د کرلو په اړه په عملي بڼه روزنه ورکړل شوه.
لارښود استاد د درس په ترڅ کې، زده کونکو ته د "زینتي بوټو" د کښت او پاملرنې د څرنګوالي په اړه مفصل توضیحات ورکړل او د نوموړو پوښتنو ته یې هم ځوابونه وویل.
دغه راز استاد په دې درسي جلسه کې ټینګار وکړ چې زینتي بوټي هغه بوټو ته ویل کېږي چې په سرپوټي ځایونو لکه کورونو، دفترونو او نورو کې وده کولی شي او معمولا د زینتي موخو، مثبت رواني اغیزو، یا طبي دلیلونو لکه د ساختمان دننه هوا پاکولو لپاره ورڅخه ګټې اخیستلو په موخه کښت او پالل کېږي.
د تخنیکي او مسلکي زده کړو په مرکزونو کې د روزنې لویه برخه عملي ده، څرنګه چې د تخنیکي او مسلکي زده کړو مرکزونو فارغان له فراغت وروسته په مستقیم ډول د کار بازار کې جذب کیږي.
له همدې امله، د تخنیکي او مسلکي زده کړو ادارې رهبري تل هڅه کوي ترڅو د تخنیکي او مسلکي زده کړو په مرکزونو کې د عملي درسونو زده کړو لړۍ لا پیاوړې کړي.
