د استالف کثیرالرشتوي لیسې زده کوونکو ته د نباتاتو د پالنې په اړه روزنه ورکړل شوه
د کابل ولایت د استالف ولسوالۍ کثیرالرشتوي لېسې د عمومي کرنې څانګې زده کوونکو ته د یادې ولسوالۍ د صفا باغ ته د یو علمي سفر په ترڅ کې د نباتاتو د پالنې په اړه عملي زده کړې ورکړل شوې.
لارښود استاد او د استالف کثیرالرشتوي لېسې مسؤلینو زده کوونکو ته د نباتاتو د پالنې، مثمرو او غیر مثمرو ونو او د کرنیز سکتور د اهمیت په اړه هم هر اړخیز معلومات ورکړل.
دا په داسې حال کې ده چې د تخنيکي او مسلکي زده کړو په مرکزونو کې زياتره زده کړې عملي وي، له همدې امله د تخنيکي او مسلکي زده کړو د مرکزونو فارغين په مستقيم ډول د کار بازار ته جذب کېږي.
