د گرمسیرو سيمو د تخنيکي زده کړو په مرکزونو کې د نهايی آزموینې لړۍ دوام لري
د ګرمسېرو سیمو او ولایتونو د تخنیکي او مسلکي زده کړو آمریتونو مسوولین د ۱۴۰۴ کال د څلورم او دویم سمسټر د نهایي آزموینې د دوام خبر ورکوي.
دغه آزموينه د غويی میاشتې له پنځلسمې نیتې څخه پيل او د همدې مياشتې تر پايه به دوام وکړي.
د دې ازموینو پیل د زده کړییز کیفیت ده ښه والي، د زده کونکو علمي ظرفیت په سمه توګه ارزونه او د راتلونکو فارغانو لپاره د غوره زمینې د برابرولو په برخه کې د ښوونیز تقویم د اغیزمن پلي کولو او د ښوونیزو مرکزونو د ژمنتیا نښه ده.
د يادونې وړ ده، چې د ګرمسېرو سيمو د تخنيکي او مسلکي زده کړو مرکزونه په ننګرهار، کونړ، فراه، بغلان، کندهار، هلمند، هرات او لغمان ولايتونو کې شامل دي.
