د کندهار ولایت د محبوسینو لپاره دلنډمهاله حرفوي زده کړو پروګرام پیل شو
د کندهار ولایت د تخنیکي او مسلکي زده کړو آمریت د یاد ولایت د محبس له مسوولینو سره په همکارۍ د دغه ولایت اړوند محبس، محبوسینو ته د موبایل ترمیم لنډ مهاله روزنیز پروګرام پیل شو.
دغه محبوسینو ته د مبایل ترميم د څرنګوالي په اړه د دريو مياشتو لپاره روزنه ورکول کېږي، چې د دې پروګرام موخه له بند څخه وروسته په ټولنه کې د مسلکي کسانو په توګه د کار بازار ته د هغوى وړاندې کول دي.
محبوسینو هم د دغه روزنیز پروګرام په ترسره کیدو خوښي څرګنده کړه او د تخنیکي او مسلکي زده کړو ادارې له مسوولینو څخه یې د مننې ترڅنګ د یادو پروګرامونو د دوام غوښتنه وکړه.
دا په داسې حال کې ده چې د تخنيکي او مسلکي زده کړو ادارې رهبري تل هڅه کوي چې د تخنيکي او مسلکي زده کړو په برخه کې د زده کړو د زمینې په برابرولو سره د هېواد ځوانان له بېکارۍ څخه مسلک ته راوګرځوي.
