د کابل د اوبو او برښنا انسټیټوټ د زده کړیالانو فراغت غونډه ترسره شوه

media_admin
سه‌شنبه ۱۴۰۲/۵/۳۱ - ۸:۳۰
فراغت

د کابل د اوبو او برښنا انسټیټوټ د زده کړیالانو د فراغت غونډه د تخنیکی او مسلکی زده کړو ادارې سرپرست مولوي غلام حیدر شهامت په حضور کی ترسره شوه. د فراغت په دغه دوره کې ۶۶ تنه له عمومي  برښنا څانګې څخه فارغ شول.

په دغه مراسمو کې د تخنيکي او مسلکي زده کړو ادارې سرپرست زده کړیالانو ته د فراغت مبارکي وويله او زياته يې کړه، چې له دې وروسته به فارغان د هېواد د پرمختګ په لور ګام پورته کړي.

ښاغلي شهامت وویل، د اوبو او برښنا انسټیټوټ فارغان با استعداده دي او ډېری به یې له فراغت وروسته د کار په بازار کې جدب شي.

همد راز د تخنيکي او مسلکي زده کړو ادارې سرپرست وويل، چې په افغانستان کې ستونزه بېکاري نه ده، بلکې ستونزه د مسلکي ماهر ځواک کمښت دى.

نوموړي څرګنده کړه: «د افغانستان ستونزه بېکاري نه ده. یوازې مس عینک کې ۱۷ زره ماهرو کسانو غوښتنه کړې ده. او همدارنګه د قوش تپې کانال په زرګونو ماهرو کسانو ته اړتیا لري. »

نوموړي زياته کړه، چې د هېواد ریل پټلۍ، کانونه او کرنه هم مسلکي کسانو ته سخته اړتيا لري.

د کابل د اوبو او برښنا انسټیټوټ آمر رفيع الله حبيبي وويل چې سږ کال د دغه انسټيټوټ د برښنا له څانګې د شپي برخې څخه يوازې ٦٦ تنه فارغ شوي دي.

ښاغلي حبیبي وویل، دغو زده کړیالانو ته په پنځو سمسټرونو کې نظري زده کړې ورکړل شوي او همدارنګه پرکتیک دوره یې د برښنا بندونو  او سب سټیشنو کې ترسره کړې ده.

نوموړي زياته کړه، چې ډېری فارغانو ته د کار زمينه برابره شوې او حتی د اوبو او برښنا انسټیټوټ يو زده کړیال د برښنا شرکت د ګمارنې په آزموينه کې بريالی شوی او تر فراغت وړاندې ګمارل شوی دی.

د اوبو او برښنا انسټیټوټ فارغان هم وایی چی په دوو کلونو کی یی لازم مهارتونه زده کړی او د برښنا او اوبو په ټولو برخو کی د کار کولو وړتیا لری.

د يادونې وړ ده، چې نن د برښنا او اوبو په انسټيټوټ کې د برښنا سب سټېشن يوه نمونه ګټې اخيستنې ته وسپارل شوه. د دغه برښنابند د جوړېدو موخه د زده کړیالانو لپاره د عملي زده کړو زمینې برابرول دي.

تازه خبرونه

یکشنبه ۱۴۰۵/۸/۲۴ - ۱۶:۱۵
Background image

د تخنیکي او مسلکي زده‌کړو ادارې د کارکوونکو لپاره د ظرفیت لوړونې پروګرام جوړ شو

د تخنیکي او مسلکي زده‌کړو ادارې د کارکوونکو چارو ریاست د کارکوونکو د ظرفیت لوړولو او د مسلکي مهارتونو د پیاوړتیا په موخه، د ادارې د نویو ګومارل شویو کارکوونکو لپاره د کمپیوټري. . .

شنبه ۱۴۰۵/۸/۲۳ - ۱۵:۲۱
Background image

د مجاهدینو د روزنې لپاره د ادارې او مدیریت څانګې تعلیمي نصاب بیاکتنه وشوه

د تخنیکي او مسلکي زده کړو ادارې د تعلیمي نصاب ریاست مسؤلین وایي، چې د مجاهدینو د روزنې لپاره د ادارې او مدیریت څانګې د تعلیمي نصاب د بیاکتنې او پراختیا بهیر، د کابل پوهنتون له استادانو. . .

شنبه ۱۴۰۵/۸/۱۶ - ۱۳:۴۸
Background image

د تخنیکي او مسلکي زده‌کړو ادارې د دعوت او ارشاد ریاست له لوري اصلاحي غونډه جوړه شوه

د هېواد یوه دیني عالم، محترم مولوي هدایت‌الله، په یوه ښوونیزه غونډه کې د حضرت عمر فاروق (رضی‌الله‌عنه) د حکومتولۍ د څرنګوالي او په اسلامي نظام کې د کارکوونکو د مسؤلیتونو او مکلفیتونو په. . .

BACK TO NEWS