د پاملرنې مؤسسې له مسؤلینو سره د پلان او همغږی ریاست ناسته
ښاغلي مولوي نېک محمد نېکمل، د تخنیکي او مسلکي زده کړو ادارې، د پلان او ستراتیژیکې همغږۍ رئیس، له ډاکټر عبداللطیف لطیف د پاملرنې مؤسسې، د غذایي مصؤنیت برخې له مسؤل سره لیدنه او خبرې اترې وکړې.
دواړو لورو په دغه ناسته کې د ګډو همکاریو د څرنګوالي په هکله بحث وکړ.
په دغه ناسته کې ښاغلي مولوي نېکمل د تخنیکي او مسلکی زده کړو ادارې د موخو په اړه جزئیات وړاندې کړل، د «پاملرنې» مؤسسې غذایي مصؤنیت برخې مسؤل هم وویل چې دواړه لوري ګډې کاري ساحې لري.
همدارنګه د «پاملرنې» مؤسسې مسؤلینو په دغه لیدنه کې، د تخنیکي او مسلکي زده کړو ادارې، کارمندانو او زده کړیالانو ته د حرفوي کورسونو او سکالرشیپونو برابرولو وعده هم وکړه.
