د میدان وردګو ولایت سیداباد کثیرالرشتوي انسټيټوټ د محصلینو د عملي زده کړو بهیر
د میدان وردګو ولایت اړوند سیداباد کثیرالرشتوي انسټيټوټ د تکنیشن موتر څانګې محصلینو د یادې ولسوالۍ اړوند آریا خصوصي ورکشاپ ته د یو علمي سفر په ترڅ کې د موټرونو د برک سیستم په اړه په عملي بڼه روزنه ترلاسه کړه.
لارښود استاد د درس په ترڅ کې محصلینو ته د برک، ABS او ددې برخې اړوند نورو عوارضو د ترمیمولو د څرنګوالي په اړه په مفصله توګه توضیحات وړاندې کړل او د نوموړو پوښتنو ته یې هم ځوابونه وویل.
عملي زده کړې له محصلینو سره مرسته کوي ترڅو د فراغت وروسته په مستقیم ډول د کار بازار ته جذب شي.
له همدې امله د تخنيکي او مسلکي زده کړو ادارې رهبري تل هڅه کوي چې د تخنيکي او مسلکي زده کړو په مرکزونو کې د عملي زده کړو بهير لا پیاوړی کړي.
