د لوګر د کرنې او وترنرۍ انسټیټوټ زده کوونکو د نباتي ناروغیو د درملنې په اړه روزنه ترلاسه کړه
د لوګر ولایت د کرنې او وترنرۍ انسټیټوټ د وترنرۍ څانګې، یوولسم ټولګي زده کوونکو د یاد ښوونیز مرکز په لابراتوار کې د نباتي ناروغیو د درملنې په اړه په عملی ډول روزنه ترلاسه کړه.
لارښود استاد د درس په جریان کې، زده کوونکو ته د نباتي ناروغیو د درملنې، نباتاتو ته د زیان رسوونکو حشراتو او د نباتي آفتونو د مخنیوي او درملنې په اړه مفصل توضیحات وړاندې کړل.
د تخنیکي او مسلکي زده کړو په مرکزونو کې د روزنې لویه برخه عملي ده څرنګه چې د تخنیکي او مسلکي زده کړو مرکزونو فارغان د فراغت وروسته په مستقیم ډول د کار بازار کې جذب کیږي.
له همدې امله، د تخنیکي او مسلکي زده کړو ادارې رهبري تل هڅه کوي چې د تخنیکي او مسلکي زده کړو په مرکزونو کې د عملي زده کړو بهیرلا پیاوړی کړي.
