د لوګر د کرنې او وترنری انسټیټوټ او د دغه ولایت د کرنې ریاست ترمنځ د همکارۍ هوکړه لیک لاسلیک شو
د لوګر ولایت د کرنې او وترنرۍ انسټیټوټ د یاد ولایت د کرنې، اوبولګولو او مالدارۍ ریاست سره یو هوکړه لیک لاسلیک کړ.
د دغه هوکړه ليک د لاسليکولو موخه د دواړو ادارو ترمنځ علمي، څېړنيز، فني او تخنيکي همکاري ده.
د لوګر د کرنې رئيس مولوي سيد امين هاشمي د یاد ولايت د کرنې او وترنري انسټيټوټ سره د همکارۍ ډاډ ورکړ او ويې ويل: "موږ ژمن يو چې د کرنې او مالدارۍ په برخه کې له یاد انسټیټوټ سره همکاري وکړو."
د هغه په وينا، د لوګر د کرنې، اوبولګولو او مالدارۍ رياست تخنيکي کارکوونکي به د کرنې او وترنرۍ انسټیټوټ زده کړیالانو ته د عملي او څېړنيزو کارونو په برخه کې زده کړې ورکړي.
