د لغمان د کرنې او وترنرۍ انسټیټيوټ د محصلینو د عملی زده کړو بهیر
د لغمان ولایت د مرکز اړوند د کرنې او وترنرۍ انسټيټوټ محصلینو ته د کرنې او مالدارۍ ریاست په حیواني کلینیک کې د حیواني پرازیتونو په اړه روزنه ورکړل شوه.
لارښود استاد دوی ته د پرازیتونو د ډولونو او د څارویو د درملنې څرنګوالي په اړه معلومات ورکړل.
د تخنيکي او مسلکي زده کړو په مرکزونو کې زياتره زده کړې عملي وي، لکه څرنګه چې د یادو مرکزونو فارغان په مستقيم ډول د کار بازار ته جذب کېږي.
بل پلو د تخنيکي او مسلکي زده کړو ادارې رهبري تل د یاد ولايت د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
