د فراه ولایت بالابلوک کرنې مسلکي انسټیټوټ محصلینو ته د مایکروسکوپ په اړه په عملي بڼه روزنه ورکړل شوه
د فراه ولایت بالابلوک ولسوالۍ کرنې مسلکي انسټيټوټ د کرنې څانګې محصلینو ته د یاد ښوونیز مرکز په ورکشاپ او د تخنیکي او مسلکي زده کړو مرکزونو د عملي زده کړو په چوکاټ کې د مایکروسکوپ په اړه په عملي بڼه روزنه ورکړل شوه.
لارښود استاد د درس په ترڅ کې نوموړو ته د مایکروسکوپ، او د مایکروسکوپ د اجزاوو په اړه په مفصله توګه توضیحات وړاندې کړل او د نوموړو پوښتنو ته یې ځوابونه وویل.
عملي زده کړې له محصلینو سره مرسته کوي تر څو محصلین له فراغت وروسته د کار بازار ته جذب شي.
له همدې امله د تخنيکي او مسلکي زده کړو ادارې رهبري تل هڅه کوي چې د تخنيکي او مسلکي زده کړو په مرکزونو کې د عملي زده کړو لړۍ لا پياوړې کړي.
