د عملي زده کړو په ترڅ کې د لغمان ولایت د مرکز اړوند کثیرالرشتوي انسټیټوټ محصلینو لخوا د ځمکې مساحت معلومول

د لغمان ولایت د مرکز اړوند کثیرالرشتوي انسټیټوټ د ساختماني څانګې محصلینو د تعمیراتي ځمکو د مساحت معلومولو په اړه په عملي بڼه روزنه ترلاسه کړه.

د درس په ترڅ کې، استاد نوموړو ته د ځمکې د جریب کشۍ او د تعمیراتي ځمکو د مساحت معلومولو په اړه مفصل توضیحات هم ورکړل.

دغه راز د یادې درسي جلسې په ترڅ کې، محصلینو خپلې پوښتنې له لارښود استاد سره شریکې کړې، او د هغوی پوښتنو ته ځوابونه هم وړاندې شول.

عملي زده کړې له محصلینو سره مرسته کوي ترڅو نوموړي د تخنیکي او مسلکي زده کړو مرکزونو څخه د فراغت وروسته په مستقیم ډول د کار بازار کې جذب شي.

له همدې امله، د تخنیکي او مسلکي زده کړو ادارې رهبري تل هڅه کوي چې د تخنیکي او مسلکي زده کړو په مرکزونو کې د عملي زده کړو لړۍ لا پیاوړی کړي.