د تخنیکي زده کړو د مرکزونو د پراختیایي پلان د پروژې د پیل په اړه د یونسکو له مسوولینو سره د پلان د رئیس خبرې اترې
د تخنیکي او مسلکي زده کړو ادارې د پلان او ستراتیژیکې همغږۍ رئیس مولوي نیک محمد نیکمل د ملګرو ملتونو د علمي، تعلیمي او فرهنګي ادارې (یونسکو) له کارکوونکو سره وکتل.
په دغه لیدنه کې د تخنیکي او مسلکي زده کړو د مرکزونو د پراختیایي پلان د پروژې د پیل په اړه چې د یونسکو له خوا تمویل کېږي خبرې وشوې.
د يونسکو مسوولينو د يادې پروژې قراردادي شرکت معرفي کړ او ويې ويل چې ډېر ژر به يې کار پيل شي.
ښاغلي نیکمل د یونسکو سازمان څخه مننه وکړه او د تخنیکي زده کړو د مرکزونو د پراختیایي پلان د پروژې د پیل په اړه د یونسکو له مسوولینو سره پروژې په ښه تطبیق یې ټینګار وکړ. نوموړي له شرکت څخه وغوښتل چې د تخنيکي او مسلکي زده کړو له ادارې سره په همغږۍ وي.
د قراردادي شرکت مسوول د پروژې په تطبیق کې د کیفیت او د تخنیکي او مسلکي زده کړو له ادارې سره د همغږۍ په اړه ډاډ ورکړ.
