د تخنیکي او مسلکي زده کړو ادارې علمي او اصلاحي سمینار پای ته ورسید
هغه علمي او اصلاحي سمینار چې د تخنیکي او مسلکي زده کړو په اداره کې د دوه ورځو لپاره په لاره اچول شوی وو نن پای ته ورسید.
په دغه سمینار کې د حکومت لوړپوړو چارواکو، علماوو، کارکوونکو او د تخنیکي او مسلکي زده کړو مرکزونو یو شمیر محصلینو حضور درلود.
په دغه مراسمو کې ویناوالو پر مهمو ټولنیزو، سیاسي، فرهنګي او اقتصادي مسایلو خبرې وکړې.
په دغه مراسمو کې د اسلامي نظام پر ټینګښت او ملاتړ هم خبرې وشوې. ويناوالو ټينګار وکړ چې په هېواد کې اسلامي نظام يو الهي نعمت دى او د پياوړتيا لپاره يې بايد بنسټيز کار وشي.
له بل پلوه ويناوالو د دغه سمينار جوړول د اسلامي افکارو د ودې په برخه کې مهم وبلل او د دغژ برنامې ترسره کولو هرکلى يې وکړ.
