د تخنیکي او مسلکي زده کړو ادارې سرپرست د اندونیزیا هیواد له سفیر سره ناسته ترسره کړه
د تخنیکي او مسلکي زده کړو ادارې سرپرست الحاج مولوي غلام حیدر شهامت په خپل کاري دفتر کې له ښاغلي داکتر ناندا اوالیست په افغانستان کې د اندونیزیا هیواد سفیر سره ولیدل.
دواړو خواوو په دې غونډه کې د بیلابیلو موضوعاتو پع اړه بحث وکړ.
د ناستې په پیل کې، د تخنیکي او مسلکي زده کړو ادارې سرپرست د دغې ادارې د اهدافو او پروګرامونو په اړه لازمي توضیحات وړاندې کړل.
ښاغلي مولوي شهامت څرګنده کړه چې یاده اداره ځوانانو ته په بیلابیلو تخنیکي او مسلکي برخو کې مسلکي زدهکړې وړاندې کوي.
په ورته وخت کې، په افغانستان کې د اندونیزیا هیواد سفیر د تخنیکي او مسلکي زده کړو ادارې له هڅو، لاسته راوړنو او پروګرامونو څخه ستاینه وکړه.
دغهراز د غونډې په پای کې، دواړو خواوو د افغانستان او اندونیزیا ترمنځ په بیلابیلو برخو کې د همکاریو پر پراختیا او پیاوړتیا ټینګار وکړ.
