د تخنیکي او مسلکي زده کړو ادارې د دفتررئیس سره د ملکي هوایي چلند ادارې د رئیس لیدنه
د تخنيکي او مسلکي زده کړو ادارې د دفتررئيس استاد مطيع الله هدايت د خپل کار په دفتر کې د ملکي هوايي چلند ادارې له رئيس ډاکټر احمد وزير صافي سره وکتل او خبرې يې وکړې.
په دې کتنه کې دواړو لورو د ملکي هوايي چلند د انستيتوت د ستونزو د هواري په څرنګوالي خبرې وکړې او ښاغلي صافي د یاد انستیتیوت د اړتیاوو او ستونزو د سمبالولو غوښتنه وکړه.
په همدې حال کې استاد مطیع الله هدایت د ملکي هوايي چلند د انستیتوت د ستونزو د هواري په اړه ډاډ ورکړ.
