د تخنیکي او مسلکي زده‌کړو لوېدیځ زون ریاست له خصوصي سکتور او بنسټونو سره مشورتي ناسته

media_admin
دوشنبه ۱۴۰۵/۲/۷ - ۹:۳

د تخنیکي او مسلکي زده‌کړو ادارې لوېدیځ زون ریاست د کار بازار له اړتیاوو سره سم د تعلیمي نصاب ښه‌والي او اصلاح په موخه له خصوصي سکتور او بېلابېلو بنسټونو سره مشورتي ناسته ترسره کړه.

د پروګرام په پیل کې د تخنیکي او مسلکي زده‌کړ لوېدیځ زون و رئیس محترم مولوي ملتان ذاکر د تعلیمي بنسټونو او خصوصي سکتور ترمنځ پر همغږۍ ټینګار وکړ او د عملي مهارتونو اهمیت یې د کار بازار له اساسي اړتیاوو څخه وباله.

وروسته، ګډونوالو په خصوصي توګه د کار بازار اړتیاوو، په بېلابېلو برخو کې د اړینو مهارتونو او د تعلیمي نصاب د بازار له بدلونونو سره د همغږۍ په اړه بحث او نظر تبادله وکړه.

د بحثونو په ادامه کې د تعلیمي نصاب بیاکتنې او نوي کولو، د عملي مهارتونو پیاوړتیا او د عصري کاري میتودونو سره د زده‌کړو برابرولو پر اهمیت ټینګار وشو.

همدارنګه د بازار له ضرورتونو سره سم د ځینو اړینو څانګو نشتون او د نویو څانګو رامنځته کولو اړتیا په اړه هم په دغه ناسته کې خبرې وشوې.

ګډونوالو د تخنیکي زده‌کړو او خصوصي سکتور ترمنځ د یوې ګډې کمېټې پر جوړولو هوکړه وکړه، څو د کار بازار د واقعي اړتیاوو پر بنسټ د نصاب بیاکتنه او د دواړو لورو ترمنځ همکارۍ پیاوړې شي.

دا په داسې حال کې ده چې د تخنیکي او مسلکي زده‌کړو ادارې مشرتابه تل د کار بازار له اړتیاوو سره سم د تعلیمي نصاب پر برابرولو ټینګار کړی دی.

تازه خبرونه

یکشنبه ۱۴۰۵/۸/۲۴ - ۱۶:۱۵
Background image

د تخنیکي او مسلکي زده‌کړو ادارې د کارکوونکو لپاره د ظرفیت لوړونې پروګرام جوړ شو

د تخنیکي او مسلکي زده‌کړو ادارې د کارکوونکو چارو ریاست د کارکوونکو د ظرفیت لوړولو او د مسلکي مهارتونو د پیاوړتیا په موخه، د ادارې د نویو ګومارل شویو کارکوونکو لپاره د کمپیوټري. . .

شنبه ۱۴۰۵/۸/۲۳ - ۱۵:۲۱
Background image

د مجاهدینو د روزنې لپاره د ادارې او مدیریت څانګې تعلیمي نصاب بیاکتنه وشوه

د تخنیکي او مسلکي زده کړو ادارې د تعلیمي نصاب ریاست مسؤلین وایي، چې د مجاهدینو د روزنې لپاره د ادارې او مدیریت څانګې د تعلیمي نصاب د بیاکتنې او پراختیا بهیر، د کابل پوهنتون له استادانو. . .

شنبه ۱۴۰۵/۸/۱۶ - ۱۳:۴۸
Background image

د تخنیکي او مسلکي زده‌کړو ادارې د دعوت او ارشاد ریاست له لوري اصلاحي غونډه جوړه شوه

د هېواد یوه دیني عالم، محترم مولوي هدایت‌الله، په یوه ښوونیزه غونډه کې د حضرت عمر فاروق (رضی‌الله‌عنه) د حکومتولۍ د څرنګوالي او په اسلامي نظام کې د کارکوونکو د مسؤلیتونو او مکلفیتونو په. . .

BACK TO NEWS