د بلخ ولایت د تخنیکي او مسلکي انسټيټوټ د زده کوونکو د عملي زده کړو بهیر

د بلخ ولايت د سجاديه تخنيکي او مسلکي انسټيټوټ د ساختماني څانګې زده کوونکو ته د ودانيو د قالب بندۍ او سیخ بندۍ په اړه په عملي بڼه روزنه ورکړل شوه.
لارښود استاد د دغه انسټيټوټ په ساختماني ورکشاپ کې د کانکړیټ اچولو میتودونو او د ساختماني چارو په اړه زده کوونکو ته هر اړخیز معلومات ورکړل.
د تخنیکي او مسلکي زده کړو په مرکزونو کې ډیری زده کړې عملي دي، له همدې امله د دې مرکزونو فارغین په مستقیم ډول د کار بازار ته جذبیږي.