الحاج مولوي غلام حیدر شهامت هرات ولایت ته سفر وکړ
د تخنیکي او مسلکي زده کړو ادارې سر پرست مولوي غلام حیدر شهامت د یادې ادارې څخه د یوه پلاوي په مشرۍ هرات ولایت ته سفر وکړ.
نوموړوی او ورسره مل پلاوی به یې په هرات ولایت کې د تخنیکي او مسلکي زده کړو د مرکزونو له وضعیت څخه څارنه وکړي.
دغه پلاوي د خپل سفر په پیل کې د هرات ولایت اړوند د پښتون زرغون ولسوالۍ له کثیرالرشتوي لېسې څخه لیدنه وکړه.
د تخنيکي او مسلکي زده کړو ادارې سرپرست د یاد ښوونيز مرکز د کارکوونکو او زده کوونکو ستونزې او اړتياوې واورېدې او د نوموړو د ستونزو ته د رسیدګۍ په برخه کې يې د همکارۍ ژمنه وکړه.
