د چک کثیرالرشتوي انسټیټوټ د زده کړیالانو عملي زده کړې او علمي سیر
د میدان وردګو ولایت د چک ولسوالۍ کثیرالرشتوي انسټیټوټ زده کړیالانو د یوه علمي سیر په ترڅ کې د کابل – هرات سړک د ځینو برخو د جوړولو له بهیر څخه لیدنه وکړه.
دغه علمي سیر د میدان وردګو د چک ولسوالۍکثیرالرشتوي انسټیټوټ د انجینرۍ څانګې د زده کړیالانو د عملي زده کړې په موخه د یاد انسټیټوټ د استادانو په حضور کې ترسره شو.
د دغه سفر او کار لاندې ساحو څخه د لیدنې په بهیر کې استادانو د سړک جوړولو په برخه کې د زده کړیالانو پوښتنو ته ځوابونه وویل.
د تخنيکي او مسلکي زده کړو په مرکزونو کې زياتره زده کړې عملي وي، څو زده کړیالان له فراغت وروسته په مستقيم ډول د کار په بازار کې جدب شي.
