د تخنیکي او مسلکي زده کړو ادارې سرپرست د بهرنیو چارو وزارت له سیاسي مرستیال سره وکتل
د تخنيکي او مسلکي زده کړو ادارې سرپرست مولوي غلام حيدر شهامت د بهرنيو چارو وزارت له سياسي مرستيال شېرمحمد عباس ستانکزي سره وکتل.
په دې کتنه کې چې د قطر په کوربه توب د جینوا په نندارتون کې د تخنیکي او مسلکي زده کړو ادارې د نوښت مرکز کې د جوړ شوي موټر د شریکولو لپاره د همغږۍ او همکارۍ په اړه خبرې وشوې.
په دې کتنه کې لومړی ښاغلي شهامت د تخنیکي او مسلکي زده کړو ادارې کړنې او لاسته راوړنو په اړه خبرې وکړې.
د تخنيکي او مسلکي زده کړو ادارې سرپرست وويل چې د دیادې ادارې د نوښت په مرکز کې د نوښتګرو ځوانانو له خوا موټر جوړ شوى او په پام کې ده چې په قطر کې د جينوا په نړيوال نندارتون کې يې نندارې ته وړاندې شي.
ښاغلي شهامت په دې برخه کې د بهرنیو چارو وزارت د همکارۍ غوښتنه وکړه.
دبهرنيو چارو وزارت سياسي مرستیال شير محمد عباس ستانکزي د ځوانانو په هڅونې ټينګار وکړ او د یاد وزارت د تخنيکي او مسلکي زده کړو له ادارې سره يې د همکاريو ډاډ ورکړ .
ښاغلي ستانکزي وویل، د بهرنیو چارو وزارت او د تخنیکي او مسلکي زده کړو ادارې ترمنځ دې د همغږۍ لپاره یوه کمېټه جوړه شي او هوکړه وشوه چې د دواړو ادارو ترمنځ دې همغږي پراخه شي.
