د تخار ولایت خواجهغار کثیرالرشتوي لېسې د زده کوونکو له لوري د عملي زده کړو لړۍ
د تخار ولایت خواجه غار ولسوالۍ اړوند کثیرالرشتوي لېسې زده کوونکو د تخنیکي او مسلکي زده کړو ادارې د عملي او نظري زده کړو په چوکاټ کې فلزاتو خواصو په اړه په عملي بڼه روزنه ترلاسه کړه.
لارښود استاد د درس په ترڅ کې نوموړو ته د فلز او فلزاتو د خواصو په اړه مفصل توضیحات ورکړل او د عملي فعالیتونو په ترسره کولو سره یې زده کوونکو ته د برښنا هدایت کوونکي فلزات معرفي کړل.
عملي زده کړې له زده کوونکو سره مرسته کوي ترڅو هغوی وکولای شي له فراغت وروسته په مستقیم ډول د کار بازار کې جذب شي.
له همدې امله، د تخنیکي او مسلکي زده کړو ریاست رهبري تل هڅه کوي چې د تخنیکي او مسلکي زده کړو په مرکزونو کې د عملي زده کړو پروسه نوره هم پیاوړې کړي.
