د درزآب ولسوالۍ له مشرانو سره د مولوي غلام سعید احساس لیدنه او خبرې اترې
ښاغلي مولوي غلام سعید احساس، د تخنیکي او مسلکي چارو مرستیال، جوزجان ولایت ته د خپل سفر په ترڅ کې د درزآب ولسوالۍ له مشرانو او متنفذینو سره لیدنه وکړه.
دغه لیدنه کې د دواړو لورو ترمنځ په ګډو همکاریو او د ستونزو په حل لارو بحث وشو.
د تخنیکي او مسلکي چارو مرستیال په دغه لیدنه کې وویل چې د تخنیکي او مسلکي زده کړو رول د هېواد په پرمختګ کې ډېر زیات دی، باید په ټولو سطحو کې له دغه زده کړو ملاتړ وشي.
په همدې حال کې د درزآب ولسوالۍ متنفذینو د تخنیکي او مسلکي زده کړو د پلاوي له راتګ څخه قدرداني وکړه، او یادې لېسې ته د ډېرې پاملرنې غوښتونکي شول.
همدارنګه په دغه لیدنه کې د درزآب ولسوالۍ د کثیرالرشتوي لېسې ټول اسناد د تخنیکي او مسلکي زده کړو ادارې د پلاوي له لوري و څېړل شول.
