د تخنیکي او مسلکي زده کړو ادارې سرپرست د بلخ د ادارې او حسابدارۍ له انسټيټوټ څخه لیدنه وکړه
د تخنيکي او مسلکي زده کړو ادارې سرپرست مولوي غلام حيدر شهامت د بلخ ولايت د تخنيکي او مسلکي زده کړو له مرکزونو څخه د ليدنې په ترڅ کې د یاد ولايت د ادارې او حسابدارۍ انسټيټوټ وضعیت بررسي کړ.
نوموړي د ادارې او حسابدارۍ له انسټیټوټ څخه د لیدنې پر مهال د دغه انسټیټوټ د استادانو او کارکوونکو ستونزې او وړاندیزونه واورېدل او د یو شمېر مسایلو په اړه یې مسوولینو ته لازمې لارښوونې وکړې.
د مولوي غلام حيدر شهامت په مشرۍ د تخنيکي او مسلکي زده کړو ادارې پلاوي بلخ ولايت ته سفر کړى دى.
د دغه سفر موخه د ښوونیزو مرکزونو د ستونزو څېړل او د اړتیاوو پوره کول دي.
