د بلخ ولایت ځانګړو زده کړو مسلکي لېسې آمر د ټيکا دفتر له چارواکي سره خبرې او اترې وکړې
د بلخ ولایت د ځانګړو زده کړو مسلکي لېسې آمر عبدالباسط ناصري په یاد ولایت کې د "ټیکا" دفتر له مشر سره وکتل.
ښاغلي ناصري د بلخ د ځانګړو زده کړو مسلکي لېسې د کړنو په اړه خبرې وکړې او د یادې لېسې د زده کوونکو لپاره یې د تجهیزاتو او تدریسي توکو په برابرولو کې د ټیکا دفتر د همکارۍ غوښتنه وکړه.
د ټیکا د دفتر مشر د بلخ د ځانګړو زده کړو مسلکي لېسې د آمر له خوا وړاندې شوې ټولې ستونزې یاداښت کړې او ویې ویل چې د همکارۍ لپاره به له مرکزي دفتر سره خبرې وکړي.
