د «حصه اول کوهستان» کرنې او وترنرۍ انسټیټوټ محصلینو ته د نباتي ناروغیو په اړه روزنه ورکړل شوه
د کاپیسا ولایت اړوند «حصه اول کوهستان» کرنې او وترنري انسټیټوټ د کرنې څانګې محصلینو ته د تخنیکي او مسلکي زده کړو ادارې ښوونیزو مرکزونو د عملي زده کړو په چوکاټ کې د نباتي ناروغیو د درملنې په اړه روزنه ورکړل شوه.
د دې عملي درس په ترڅ کې، لارښود استاد محصلینو ته د نباتي ناروغیو لکه شپشک او د نباتي ناروغیو د درملنې د څرنګوالي په اړه مفصل توضیحات وړاندې کړل.
دغه راز د درس په دوام کې، محصلینو هم په دې برخه کې خپلې پوښتنې او سوالونه له لارښود استاد سره شریکې کړې چې د هغوی پوښتنو ته د استاد له لوري جامع ځوابونه هم ورکړل شول.
د تخنیکي او مسلکي زده کړو په مرکزونو کې د زده کړو لویه برخه عملي ده، له همدې امله د تخنیکي او مسلکي زده کړو مرکزونو فارغان د فراغت وروسته په مستقیم ډول د کار بازار ته جذب کیږي.
