د تخنیکي او مسلکي زده کړو ادارې لخوا د اشارې ژبې پراختیا
په هېواد کې د لومړي ځل لپاره د تخنيکي او مسلکي زده کړو ادارې اړوند د نصاب ریاست لخوا د اشاروي ژبې نصاب ته چې اوسمهال د دې ادارې د ځانګړو زده کړو په مرکزونو کې تدريس کېږي، پراختیا ورکوي .
په ورته وخت کې د ځانګړو زده کړو د مرکزونو لپاره د " تخصصي اشاراتو د چمتو کولو" تر سرلیک لاندې یو پروګرام پیل شوی دی.
په دې پروګرام کې د کابل پوهنتون استادان، د علمي چارو کار پوهانو او متخصصینو برخه اخیستې.
انجینر احمد نبي نایل د تخنیکي او مسلکي زده کړو ادارې د نصاب رئیس د یاد پروګرام په پیل کې وویل، دوی هڅه کوي چې په ټول هېواد کې د اورېدلو او لید معلولیت لرونکو کسانو لپاره د زده کړو په ټولو برخو کې اسانتیاوې رامنځته کړي.
دا په داسې حال کې ده چې د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د ښوونيز نصاب پر پراختيا او پياوړتيا ټينګار کوي او تر دې دمه د یادې ادارې لخوا لسګونه جلدونه بېلابېل تخنيکي او مسلکي کتابونه څېړل شوي او نهايي شوي دي.
