د میدان وردګو ولایت د مرکز تخنیکي انسټيټوټ د محصلینو د عملي زده کړو بهیر
د میدان وردګو ولایت د مرکز تخنیکي او مسلکي زده کړو انسټيټوټ دموټر څانګې محصلینو ته د یاد انسټيټوټ په ورکشاپ کې د موټر جوړولو او ترمیم د څرنګوالي په اړه په عملي بڼه روزنه ورکړل شوه.
په همدې حال کې د اړونده څانګې استاد د برمهکارۍ، خراطۍ او ارهکشۍ په اړه محصلینو ته هر اړخیز توضیحات وړاندې کړل.
د موټر تخنیک څانګې محصلین، عملي فعالیتونه د خپلو زده کړو لپاره ګټور ګڼي او د عملي زده کړو په برخه کې یې د مسؤلینو له هلو ځلو څخه قدر داني وکړه.
د تخنیکي او مسلکي زده کړو په مرکزونو کې زیاتره زده کړې عملي دي او د یادو مرکزونو محصلین د فراغت وروسته په مستقیم ډول د کار بازار ته جذب کېږي.
