د غزنی مرکز کثیرالرشتوي انسټيټوټ زده کوونکو ته د برمه کارۍ په اړه د عملی زده کړو بهیر
د غزني ولایت د مرکز اړوند کثیرالرشتوي انسټيټوټ د برښنا څانګې دولسم ټولګي زده کوونکو ته د برمه کارۍ په اړه په عملي ډول روزنه ورکړل شوه.
لارښود استاد د درس په جریان کې د سرمیزۍ برمې په اړه هم زده کوونکو ته هر اړخیز توضیحات وړاندې کړل.
د تخنیکي او مسلکي زده کړو په مرکزونو کې ډیری زده کړې عملي دي ترڅو د دې روزنیزو مرکزونو فارغین په مستقیم ډول د کار بازار ته جذب شي.
له همدې امله د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زدهکړو پر پياوړتيا ټينګار کوي.
