د تخنیکي او مسلکي زده کړو ادارې پلان رئیس د یونسکو له پلاوي سره وکتل

د تخنیکي او مسلکي زده کړو ادارې پلان او ستراتیژیکې همغږۍ رئیس مولوي نیک محمد نیکمل د ملګرو ملتونو د علمي، فرهنګي او ښوونیز سازمان (یونسکو) له یوه پلاوي سره وکتل.

په دغه کتنه کې دواړو لورو د تخنیکي او مسلکي زده کړو په اداره کې د (CAPED) پروژې د کار پیل په اړه خبرې اترې وکړې.

مولوي نیک محمد نیکمل د تخنیکي او مسلکي زده کړو له ادارې سره د یونسکو له همکاریو څخه د مننې ترڅنګ د لا زیاتو همکاریو غوښتنه وکړه.

په دغه کتنه کې مسؤلینو د تخنیکي او مسلکي زده کړو له ادارې سره د همکاریو د دوام ډاډ ورکړ.

د یونسکو د دفتر د  (CAPED)پروژه د تمویلوونکو د جذب، د معلوماتو او احصایوي سیسټمونو (MIS) او د تخنیکي او مسلکي زده کړو ادارې د ښوونځيو د پلان د پراختیا په برخو کې کار کوي.