د ولایتونو د تخنیکي او مسلکي زده کړو آمریتونو د فعالیتونو په اړه لنډ راپور
• کندهار
د تخنیکي او مسلکي زده کړو ادارې د دعوت او ارشاد رئیس مفتي نجم الدین حقاني د کندهار ولایت د پوهنې له رئیس سره وکتل.
چې د دواړو لورو د خبرو تمرکز د تعلیمي بسټونو ترمنځ همغږي او همکاري وه.
د کندهار د پوهني رئيس د تخنيکي او مسلکي زده کړو له آمریت سره د زده کوونکو او زده کړیالانو د جذب په برخه کي د همکارۍ ډاډ ورکړ.
• پکتیا
د پکتیا ولایت د تخنیکي او مسلکي زده کړو آمریت د یاد ولایت د ملي راډیو او ټلویزیون له آمریت سره یو هوکړه لیک لاسلیک کړ.
د دغه هوکړه لیک له مخې به د پکتیا د تخنیکي او مسلکي زده کړو آمریت اعلانات د ملي راډیو او تلویزیون له لارې خپریږي.
مولوي غلام رسول سعید د پکتیا ولایت د راډیو او ټلویزیون آمریت له همکارۍ مننه وکړه او د عامه پوهاوی وړاندې کولو په برخه کې یې د دغه رسنۍ همکاري ګټوره وبلله.
• تخار
د تخار ولایت د تخنیکي او مسلکي زده کړو آمریت پلاوي د یاد ولایت د خواجه غار ولسوالۍ د کثیرالرشتوي لېسې څخه لیدنه وکړه.
د دې لیدنې په ترڅ کې د کثیرالرشتوي خواجه غار عالي لېسې کارکوونکو کارکرد او ژمني فعالیتونه وڅېړل.
دغه راز د خواجه غار کثیرالرشتوي عالي لېسې مسوولینو ته د یادې لېسې د ښه والي او پرمختګ په برخه کې د امکان تر حده د زیاتو زده کوونکو او زده کړیالانو د جذب په موخه لازمې لارښوونې او سپارښتنې وشوې.
• غزني
د غزني ولایت د واعظ ولسوالۍ د تخنیکي لېسې وضعیت وڅېړل شو.
د غزني د تخنیکي او مسلکي زده کړو آمریت د څارنې پلاوي له یادې لېسې څخه لیدنه وکړه.
نوموړي پلاوي د واغظ میخانیکي عالي لېسې د وضعیت د ارزونې پرمهال د دغه لېسې د اداري او تدریسي چارو د ښه والي په موخه د حل لارې چارې هم وړاندې کړې.
