مولوي غلام حیدر شهامت له ډاکټر «کی» سره وکتل او خبرې اترې یې ورسره وکړې
د تخنيکي او مسلکي زده کړو ادارې سرپرست ښاغلي مولوي غلام حيدر شهامت په خپل کاري دفتر کې د پلان جوړونې او مديريت له کارپوه ډاکټر "کی" سره وکتل.
ښاغلی "کی" له جرمني څخه افغانستان ته د "ستی ان افغانستان" مؤسسې په همغږي راغلی او ټاکل شوې ده چې د دغې مؤسسې له لارې د تخنیکي او مسلکي زده کړو له ادارې سره همکاري وکړي.
د تخنيکي او مسلکي زده کړو ادارې سرپرست له دوکتور «کی» سره په کتنه کې د تخنيکي او مسلکي زده کړو له ادارې سره د خپلو همکاريو پر څرنګوالي خبرې وکړې.
په دغې کتنه کې ښاغلي مولوي شهامت د تخنیکي او مسلکي زده کړو ادارې په اړه خبرې وکړې او ويې ويل چې د بې وزلۍ له منځه وړل او د کار بازار لپاره د ماهرو کاري ځواک روزل د دغې ادارې له مهمو موخو څخه دي.
د تخنيکي او مسلکي زده کړو ادارې هم په هېواد کې ټوليز امنيت ته په اشاره سره وويل چې اوسمهال د افغانستان خلکو ته د خدمت کولو لپاره شرایط مساعد دي.
له بلې خوا "کی" هم د تخنیکي او مسلکي زده کړو له ادارې سره د همکارۍ لپاره د بشپړ چمتووالي ډاډ ورکړ.
ښاغلي مولوي شهامت د تخنیکي او مسلکي زده کړو له ادارې سره د "کی" له چمتووالي څخه مننه او قدرداني وکړه او پرېکړه وشوه، چې نوموړی به د پلان جوړونې، مدیریت او برنامې جوړولو په برخه کې دې د تخنیکي او مسلکي زده کړو له ادارې سره همکاري وکړي.
