شاوخوا ۸۰۰ مجاهدین د تخنیکي او مسلکي زده کړو ادارې له روزنیز پروګرام څخه فارغ شول
د تخنیکي او مسلکي زده کړو ادارې د اداره او مدیریت روزنیز پروګرام څخه د میدان وردګو ولایت د شاوخوا ۸۰۰ تنه مجاهدینو فراغت غونډه ترسره شول.
د تخنیکي او مسلکي زده کړو ادارې رئیس ښاغلي الحاج مولوي غلام حیدر شهامت هم په دې مراسمو کې ګډون درلود او وینا یې هم وکړه.
ښاغلي مولوي شهامت د وینا په ترڅ کې وویل: اوس مهال نږدې ۴۰۰۰۰ مجاهدین د تثبیت سویې آزموینې وروسته د تخنیکي او مسلکي زده کړو په مرکزونو کې پر زده کړ بوخت دي.
نوموړي دغهراز فارغانو ته د مبارکۍ ترڅنګ هیله څرګنده کړه چې یاد مجاهدین به له خپلې پوهې څخه د خلکو او هیواد د خدمت لپاره کار واخلي.
په ورته وخت کې د میدان وردګو والي هم د وینا پرمهال؛ مجاهدینو ته د مدیریتي زده کړو د زمینې برابرولو په پرخه کې د تخنیکي او مسلکي زده کړو ادارې د رهبرۍ هڅې وستایلې.
همدارنګه یوشمیر نورو ویناوالو هم د تخنیکي او مسلکي زده کړو له ادارې څخه د مجاهدینو لپاره د مدیریتي زده کړو د فرصت برابرولو په برخه کې ستاینه وکړه.
دا په داسې حال کې ده چې تر دې مهاله زرګونه کسانو د تخنیکي او مسلکي زده کړو مرکزونو د اداره او مدیریت روزنیز پروګرام څخه د فراغت سندونه ترلاسه کړي دي.
