د تخنیکي او مسلکي زده کړو ادارې د معلوماتي سیسټمونو په اړه مشورتي ورکشاپ ترسره شو

media_admin
چهارشنبه ۱۴۰۲/۹/۲۹ - ۱۴:۵۶
tveta

د تخنیکي او مسلکي زده کړو ادارې د معلوماتي ټکنالوژۍ، سیستمونو او احصایې آمریت د معلوماتي سیسټم د نهايي کولو په موخه مشورتي ورکشاپ ترسره شو.

دغه برنامه د تخنیکي او مسلکي زده کړو ادارې د بېلابېلو برخو د ۵۰ تنو کارکوونکو په حضور کې ترسره شو.

د معلوماتي ټکنالوژۍ، سسټمونو او احصایې آمر انجنیر شریف احمد راسخ د تخنیکي او مسلکي زده کړو ادارې د معلوماتي سیسټمونو په اړه معلومات وړاندې کړل.

د معلوماتي ټکنالوژۍ، سیستمونو او احصایې آمر  د دغې برنامې په پیل کې وویل چې د تخنیکي او مسلکي زده کړو ادارې په معلوماتي سیسټم کې د معلوماتو راټولول، تحلیل او راپور ورکولو برخې شاملې دي.

ښاغلي راسخ د دغه سیسټم موخې او ګټې بیان کړې او زیاته یې کړه، چې اطلاعاتو ته پر وخت لاس رسی، د وخت له ضایع کېدو مخنیوی او په احصایې او معلوماتو کې شفافیت د یاد سیسټم ځانګړتیاوې دي.

دغه معلوماتي سیسټم د ملګرو ملتونو  تعلیمي، علمي او فرهنګي سازمان (یونسکو) په ملاتړ د تخنیکي او مسلکي زده کړو په اداره کې عملي کېږي.

له بلې خوا په افغانستان کې د یونسکو د احصایې او معلوماتو برخې کارپوه انجینر محمد داوود مدکر د یو پرزنټیشن د وړاندې کولو پر مهال د دغه سیسټم د بېلابېلو برخو په اړه توضیحات ورکړل.

ښاغلي مدکر وویل، په دغه سیسټم کې د تخنیکي او مسلکي زده کړو ادارې د محصلینو، کارکوونکو او ښوونیزو مرکزونو د معلوماتو په ګډون ټول مواد شامل دي.

نوموړي همدا راز زیاته کړه، چې په دغه سیسټم کې د تخنیکي او مسلکي زده کړو  مرکزونو  د کارکوونکو او محصلینو لپاره "یوزر" او "پروفایل" جوړیږي چې ټول اړتیا وړ معلومات به پکې ثبتیږي.

د تخنيکي او مسلکي زده کړو ادارې معلوماتي سيسټم به له نهايي کېدو وروسته په دغې ادارې کې پلي شي.

تازه خبرونه

شنبه ۱۴۰۴/۱/۹ - ۱۱:۷
Background image

د بلخ سجادیه تخنیکي او مسلکي انسټیټوټ د استادانو لپاره د ظرفیت لوړونې سیمینار جوړ شو

د بلخ سجادیه تخنیکي او مسلکي انسټیټوټ یو شمېر استادانو لپاره د ظرفیت لوړولو درې ورځنی سیمینار جوړ شو. په یاد ښوونیز سیمینار کې ګډونوالو ته د کیفیت تدریس او د نوین ښوونیزو میتودونو د زده. . .

پنجشنبه ۱۴۰۴/۱/۷ - ۱۴:۶
Background image

د تخنیکي او مسلکي زده کړو ادارې له لوري د لومړي مقام ګټل!

تخنیکي او مسلکي زده کړو ادارې، د پوهنې او لوړو زده کړو وزارتونو سره په همغږي سره د "الماهر بالقرآن" په نوم د تلاوت سیالۍ ترسره کړه. په یاد پروګرام کې د تخنیکي او مسلکي زده کړو ادارې، د. . .

چهارشنبه ۱۴۰۴/۱/۶ - ۱۱:۲۱
Background image

د لغمان تخنیکي زده کړو آمریت او اقتصاد ریاست ترمنځ د همکارۍ تفاهم لیک لاسلیک شو

د لغمان ولایت د تخنیکي او مسلکي زده کړو آمریت د یاد ولایت له اقتصاد ریاست سره د ګډوهمکاریو تفاهم لیک لاسلیک کړ. د یاد تفاهم لیک پر بنسټ به د لغمان ولایت د ادارې او حسابدارۍ انسټيټوټ. . .

BACK TO NEWS