د تخنيکي زده کړو په مرکزونو کې د شامليدو په موخه د سمنګانو د مجاهدينو د سویې مالومولو آزموينه واخیستل شوه
په سمنګان ولایت کې د مجاهدینو د تعلیمي سویې مالومولو آزموینه دنوموړي ولایت د سیمه ییزو چارواکو په حضور کې واخیستل شوه.
په دې مراسمو کې ويناوالو د مجاهدينو د روزنې د زمينې په برابرولو کې د تخنيکي او مسلکي زده کړو د ادارې د مشرتابه هلې ځلې او پاملرنې وستايلې.
دوی وویل چې د مجاهدینو روزنیز طرحه چې د تخنیکي او مسلکي زده کړو ادارې لخوا چمتو شوی، د مجاهدینو د روزنې اود تعلیم دوام لپاره یو ارزښتناک فرصت دی.
په همدې حال کې د سمنګان ولايت د تخنيکي او مسلکي زده کړو آمر په یاد ولايت کې د مجاهدينو د روزنيز پروګرام په تنظيمولو کې د شفافيت ډاډ ورکوي.
