د بادغیس ولایت د کرنې ریاست ته د یاد ولایت د کرنې انسټيټوټ د محصلینو علمی سفر
د بادغیس ولایت د کرنې انستیتوت محصلینو په یوه علمي سفر کې د دغه ولایت د کرنې ریاست اړوند د شګوفان فارم څخه لیدنه وکړه.
لارښود استاد او ددې ریاست مسوولینو محصلینو ته د دوا شیندلو ( دوا پاشۍ)، د چای د قوریه پېژنلو او د هغې د ډولونو په اړه هر اړخیز معلومات وړاندې کړل.
د تخنیکي او مسلکي زده کړو په مرکزونو کې زیاتره زده کړې عملي دي، چې له همدې امله د دغو ښوونیزو مرکزونو فارغین په مستقیم ډول د کار بازار ته جذبیږي.
له همدې امله د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
