د تخنیکي او مسلکي زده کړو ادارې د مشرقي زون رئیس معرفي شو
قاضی خالد صداقت د یو لړ مراسمو په ترڅ کې د امارتي مسولینو او مقاماتو له لوري د تخنیکي او مسلکي زده کړو ادارې د مشرقي زون د رئیس په توګه معرفي شو او خپله دنده یې پیل کړه.
د مشرقي زون د رئیس د معرفي کیدو په مراسمو کې د ننګرهار ولایت سیمهییز مقاماتو او د د تخنیکي او مسلکي زده کړو ادارې د مشرقي زون یو شمیر آمرینو هم ګډون درلود.
دغه ګډونوالو په دې ناسته کې د تخنیکي او مسلکي زده کړو د زون ریاست له جوړېدو څخه هرکلی وکړ او ژمنه یې وکړه چې له دې ریاست سره به په بشپړه همغږۍ او هماهنګۍ سره همکاري وکړي.
په ورته وخت کې، قاضی خالد صداقت هم په دې غونډه کې ژمنه وکړه چې په بشپړ اخلاص او مسؤلیتپالنې به د تخنیکي او مسلکي زده کړو د ودې او پرمختګ لپاره نه ستړې کېدونکې هڅې وکړي.
