د بدخشان ولایت د تخنیکي او مسلکي زده کړو آمریت او ناروې کمیټې ترمنځ دوه اړخیزه غونډه ترسره شوه
د بدخشان ولایت د تخنیکي او مسلکي زده کړو آمر ښاغلي مولوي صیاد عمري په یاد ولایت کې د ناروې کمیټې له ولایتي مسؤلینو سره دوه اړخیزه ناسته تر سره کړه.
یاده غونډه د ګډو همکاریو د پراختیا او د معلولیت لرونکو کسانو لپاره د ښوونیز پروګرامونو د تطبیق کولو په موخه ترسره شوه.
په دې ناسته کې، په بدخشان ولایت کې د اوریدلو او لید معلولیت لرونکو کسانو لپاره د لنډ محاله حرفوي پروګرامونو د تطبیق کیدو د څرنګوالي په برخه کې د ناروې کمېټې د فعالیتونو د پیل په اړه هم بحث وشو.
د یادونې وړ ده چې د ناروې کمیټه، د هیواد په یوشمیر ولایتونو کې د تخنیکي او مسلکي زده کړو له ادارې سره د ځانګړو زده کړو په شمول په بیلابیلو برخو کې همکاري کوي.
