د جوزجان ولایت د تخنیکي او مسلکي زده کړو آمریت او پوهنتون ریاست ترمنځ تفاهم لیک لاسلیک شو
د جوزجان ولایت د تخنیکي او مسلکي زده کړو آمریت د یاد ولایت د پوهنتون له ریاست سره د ګډو همکاریو تفاهم لیک لاسلیک کړ.
د دې تفاهم لیک د لاسلیک کولو موخه د دواړو ښوونیزو بنسټونو ترمنځ د علمي، تحقیقي او ښوونیز ارتباطاتو پیاوړتیا او د ګډو همغږیو او همکاریو پاراختیا ویل شوې ده.
د یاد تفاهم لیک پر بنسټ د به جوزجان پوهنتون ریاست د دې ولایت د تخنیکي او مسلکي زده کړو مرکزونو د استادانو او کارکوونکو لپاره د ظرفیت لوړونې پروګرامونه په لاره واچوي.
دا په داسې حال کې ده چې د تخنیکي او مسلکي زده کړو ادارې رهبري تل هڅه کوي ترڅو د خصوصي او حکومتي بنسټونو سره د تفاهم لیکونو په لاسلیک کولو سره د تخنیکي او مسلکي زده کړو مرکزونو زده کونکو لپاره مناسب او غوره تدریسي چاپیریال چمتو کړي.
