د میدان وردګو ولایت په چک کثیرالرشتوي انسټيټوټ کې د موټرسایکل ترمیم لنډمهاله حرفوي پروګرام پیل شو
د میدان وردګو ولایت اړوند د چک ولسوالۍ په کثیرالرشتوي انسټیټوټ کې د موټرسایکل ترمیم برخې لنډ مهاله حرفوي روزنیز پروګرام پیل شو.
د دې پروګرام په پرانیست غونډه کې د تخنیکي او مسلکي زده کړو آمریت مسولینو او د میدان وردګو ولایت سیمه ییز چارواکو هم ګډون درلود.
ټاکل شوې ده چې په دې روزنیز پروګرام کې به یو شمیر زده کونکي د یوې لنډ مهاله روزنیزې دورې په ترڅ کې د موټرسایکلونو ترمیم د څرنګوالي په اړه نظري او عملي روزنه ترلاسه کړي.
لنډمهاله روزنیز حرفوي پروګرامونه د تخنیکي او مسلکي زده کړو ادارې له بنسټیزو پروګرامونو څخه دي. تر اوسه پورې، له دې پروګرام څخه سلګونه کسانو فراغتونه ترلاسه کړي او د کار بازار کې پر دندو بوخت دي.
