د لوګر ولایت د تخنیکي او مسلکي زده کړو آمریت کارمندانو لپاره روزنیز سیمینار ترسره شو
د تخنیکي او مسلکي زده کړو ادارې د تعلیمي څارنې مسؤلینو د لوګر ولایت د تخنیکي او مسلکي زده کړو مرکزونو کارمندانو او استادانو ته د نظارت نوی تدوین شوی رهنمود د یوه روزنیز ورکشاپ په ترڅ کې تشریح کړ.
یاد سیمینار د لوګر د تخنیکي او مسلکي زده کړو مرکزونو د مسؤلینو د پوهاوي په موخه پیل شوی و، چې په ترڅ کې یې د رهنمود، د نظارت نوی فارمټ، درسي مهال ویش، او د غونډو کتابونو په شمول پر بیلابیلو نظارتي موضوعاتو بحث وشو.
ګډونوالو هم په دې اړه خپلې پوښتنې او سوالونه شریک کړل، دغه راز د نوموړو لخوا د دغه سیمینار جوړول د مختلفو اداري موضوعاتو په اړه د هغوی د پوهاوي لوړولو په برخه کې خورا اغیزمن وګڼل.
