د تخنيکي او مسلکي زده کړو ادارې د ځانګړو زده کړو زده کړو په برخه کې د استادي بستونو ازموينه واخيستل شوه
د تخنيکي او مسلکي زده کړو ادارې له خوا د ولايتونو د ځانګړو زده کړو مرکزونو لپاره د استادي تش بستونو ازموينه واخيستل شوه.
په دغه ازموينه کې ۲۹ تنو برخه اخيستې وه، چې له ازموينې وروسته به د ځانګړو زده کړو په مرکزونو کې د استادانو په توګه وګمارل شي.
دغه راز د تخنیکي او مسلکي زده کړو ادارې مسولین هم د ازموینې اخیستلو په بهیر کې د شفافیت ډاډ ورکوي.
د هغو کسانو لپاره چې د اوریدلو او لید معلولیت درلودونکي دي، روزنه او د زده کړو د زمینې چمتو کول د تخنیکي او مسلکي زده کړو ادارې له مسولیتونو څخه ګڼل کېږي.
یاده اداره اوس مهال په ټول هېواد کې د زده کړو ځانګړي مرکزونه لري او په یاد شویو مرکزونو کې د ناشنوایانو او نابیناینو« روښانزړو» کسانو لپاره د مسلکي زده کړو زمینه برابروي.
